Si Miraluna Ursos Alforque, usa ka empleyado sa CSWDO, ang nahatagan og Honesty Award sa City Government of Panabo pinaagi ni City Mayor Jose E.Relampagos ug Executive Secretary Josie Mary Relampagos. Gi-uli ni Alforque ang usa ka pitaka nga nakita niya sa Barangay New Pandan adtong Nobyembre 26, 2020 nga adunay sulod kini nga mga dokumento, duha ka ATM cards, ug QR Code nga gipanag-iyahan ni Aldren C. Alagon nga taga Barangay Salvacion.

“Gi turnover gyud nako siya kay kabalo ko na kinahanglan kaayo na sa tag-iya kay naa iyahang Drivers License sad sa pitaka,” ingon pa ni Alforque sa usa ka phone interview kaniya. Gikalipay sab og dako ni Alagon nga nauli kini kaniya dayon.

Gina awhag ang tanang Panaboans nga mag adto lang sa City Administrator’s Office kung adunay gusto e turn over nga gamit nga nakita aron mauli kini sa tag-iya. Gawas sa Honesty Award Certificate, aduna sad bugas ug token ang nadawat ni Alforque.

Gen Alforque – CIO/PIRO
📸 – CMO & City Admin Office