Oktubre 10, 2022– Mibisita ang Presidente sa Davao Light and Power Company (DLPC) nga si Rodger S. Velasco inubanan ni AVP- Panabo Branch Micheal Cazar, ug Reputation Enhancement Head Fermin Edillon sa pagklaro kay City Mayor Jose E. Relampagos ang kasamtangan nga pagtaas sa kuryente sa siyudad ilabi na nga mao kini ang mulo sa kadaghanan.

Basi sa presentasyon nga gipakita sa mga bisita ni Mayor Relampagos, adunay upat (4) ka major component ang DLPC; (1) Generation, (2) Transmission, (3) Distribution, ug (4) Taxes.

Matod pa ni Velasco, dako ang gi-increase sa generation charge kung diin asa ga-angkat ang DLPC og kuryente ug mao kini ang ilang ginadistribute sa ilang mga konsumante.

Ang generation charge midagan og P8.20 tungod sa kamahal sa krudo ug oil nga kasamtangan nasinati karon sa tibouk nasud ug apil niini ang dollar rate nga padayong naga taas batok Peso rate.

Sumala pa sa DLPC, ang ilang gihimo nga pamaagi aron ma minusan ang singil sa mga konsyumer. Sila nagkompra usab og renewable energy. Kini ang enerhiya nga dili mahurot o sustainable sama Geothermal energy ug Biomass energy nga barato lamang kompara sa enerhiya gikan sa krudo nga mahal tungod imported kini.

Dungag pa nila mas barato ang singil sa kuryente sa ubang siyudad sa Davao del Norte nga konsumante sa DLPC sa P3.00-P5.00 kontra sa ubang electric company sa Mindanao.

Nagpahinumdom usab sila nga aron makatipid sa kuryente pwedeng mugamit og energy effecient na appliances sama sa mga inverter type appliances, light-emitting diode (LED), ug pag unplug sa mga appliances nga wala gigamit sa kasamtangan.

Sa pagpaminaw ni Mayor Relampagos kanila, mihatag usab siya sa iyang kaugalingon nga komento ug siya nagmando nga kini ipagawas sa publiko aron malamdagan ug mahatagan og idea ang mga katawhan sa gi-atubang nga problema sa bayrunon sa kuryente.

Siya usab misugyot nga imbitahon sa RadJoe Serbisyo nga radio program ni Mayor Joe ang DLPC aron mas mahatod pa sa katawhan ang kamatouran ug hinungdan sa pagtaas sa singil sa kuryente. Dungag pa ni Mayor Joe, “Mag follow ta sa advice sa taga DLPC kay sila konsumante usab, e-minimize nato ang pag gamit sa mga appliances aron maka tipid kita.”

Atangi ang skedyul sa pag bisita sa Davao Light and Power Company sa Radio Program nga RadJoe Serbisyo sa 94.3 Dream Radio sa mga musunod na adlaw.
| 📝- Gen Alforque – CIO, Research Unit
|📸- F. Paculanang – CIO, Multimedia Unit