Gipakita sa mga pulis sa Davao del Norte nga dili lang sila tig-monitor sa pag implementar sa balaod kundi nagpakita sad sila sa ilang katakos nga motabang pinaagi sa pagdonar og dugo sa mga taong nanginahanglan niini sa Davao Regional Medical Center. Nagpahigayon sila og usa ka Blood Letting Program adtong adlawng lunes,Marso 29,2021 sa Barangay Gredu, Panabo City.

Ginapahitabo ang Blood Letting Program sa DavNor matag tulo (3) ka bulan. “Malipayon ta nga nakahatag ta og dugo kay makadugang ta sa atong blood bank,” sumala pa ni PLTCOL Julius A. Borja, Deputy Provincial Director for Admin and Force Commander DNPMFC.

Sumala pa ni Pat. Aljun V.Estrera,FTP nga dako iyang kalipay nga naka donar siya og dugo labi na karon nga anaa na siya sa serbisyo. “Lami sa paminaw nga makatabang ug nindot pud ni sa lawas,” dungag pa niya. Sumpay pa niya nga bisan pa man nga sibilyan pa siya, naga donar na siya og dugo alang sa katawhan.

Gawas sa mga kapulisan aduna pud mga sibilyan nga nagbolontaryo nga mi adto sa kalihokan. Kapin 60 ka mga bag sa dugo ang nakolekta alang sa DRMC Blood Bank.

✍️/📸 – Gen Alforque – CIO