Menu

Gawas sa dose (12) ka mga partisipante sa The Voice Over Challenge, migawas nga kampeon si Dacelle Izra Davad nga taga Barangay Southern Davao. Iyang gipasundayag ang iyang talento sa pag voice over kabahin sa iyang adbokasiya nga ampingon ang kinaiyahan.

Ang Voice Over Challenge usa ka info video graphic contest diin madungog lamang ang tingog sa mga partisipante nga nagsaysay sa usa ka tema gikan sa hulga sa pandemya, kinaiyahan, o ang problema nga ginaatubang sa kadaghanan.

Si Davad makadawat og P10,000.00, samtang si Vanessa Biado nga nag second place makadawat og P8,000.00 ug si Crisha Bolotaolo Gentiles makadwat og P5,000.00. Ang uban nga partisipante nga wala naapil sa Top 3 kay makadawat og consolation prize nga P2,000.00.

Ang Voice Over Challenge gipahigayon sa City Mayor’s Office (CMO) pinaagi sa Local Youth Development Section subay ang kalihokan sa pagselebrar sa Linggo ng Kabataan 2021. Padayon gihapon ang ilang tumong na mapakita ang tagsa-tagsang abilidad ug talento nga anaa sa kabatan-onan sa siyudad sa Panabo.

Sa maong kalihokan, opisyal na hurado sila: City Information Officer Michael Angelo A. Resueño, Private Secretary of the City Mayor Eajean Princess Joy Nicolas, ug Provincial Youth Development Officer Jay Michael E. Fernandez.

|Ivory Dawn O. Balogbog, CIO-PIRO
📸| Local Youth Development Section

Categorized in Featured , News Release

Related Posts