Nobyembre 10, 2022 – Nagpahitabo og Soft Launching sa usa ka talagsaon nga Davao Region Indigenous Peoples Education Center (IPED) Center sa JP Laurel Elementary School, Panabo City diin gisugdan kini sa pag-blessing ni San Agustin Parish-Associate Priest Rev. Fr. Ian Glenn G. Bungabong.

Usa kini ka dakong kalampusan sa siyudad ilabina sa sektor na Edukasyon tungod napili ang Panabo City na kabutngan sa maong pasilidad. Ang IPED Center, mahimong simbolo sa pagdayeg sa kultura ug mithi sa mga lumad sa siyudad.

Tungod sa hingpit nga suporta sa Lokal nga Panggamhanan pinaagi ni City Mayor Jose E. Relampagos, ang tulonghaan sa maong center, nag gikan sa Panabo City ug sa inisyatibo sa DepEd Panabo Division. Matod pa ni Mayor Relampagos, “Sa akong serbisyo isip amahan sa siyudad wala koy ginapaburan, tanan equal treatment ilabi na sa unsang klase nga tribu.” Nagpahimangno usab siya sa mga magtutudlo na magkahiusa sa pagtabang sa mga tribal tungod ang Edukasyon ang mamahimong rason sa paglambo sa kaugalingon.

Wala nagpaulahi sa pagpadayag og pagbati si SDS Reynante A. Solitario sa katumanang nakuha sa DepEd Panabo Division. Ingon pa niya, “After the Assistant Regional Director called me and told me that would it be possible that IPED Center will be situated here in Panabo, without hesitation I said yes because I know that I have the all out support of our Local Government Unit.” Gipatigbabaw usab ni Solitario na usa ka bulan lang ang pagkonstrak sa pasilidad tungod gipaspasan kini na mahuman sa lokalidad.

“I would like to believe this is no accident Mayor Joe Relampagos, the choice of Panabo as the center of the regional indigenous people”, sulti pa ni Regional Director Allan G. Farnazo. Dugang pa niya, “Ang sustainable schools sa pilipinas ay dito unang makikita sa region XI and culture is one of those that we need to ensure to be sustained.”

Sa bulan sa Enero 2023 ang pormal na pagturn-over sa IPED Center.

Anaa sa kalihokan ang presensya sa Region XI Superintendents & Asst. Superintendents, Chiefs, Curriculum Implementation Division, Division IPed Focal Persons & Alternates, DepEd Panabo City Personnel, DATU Julio S. Baguio – Chair, Regional Consultative and Advisory Body & Vice-Chair, Mindanao Council of Elders, IPEd, City Councilor Omar Ranain, JP Laurel Brgy. Captain Richard Ocay kauban iyang mga konsehales ug mga magtutudlo.

| M. Gentiles
📸 E. Pan