Nagpahimangno ang Department of Human Settlements and Urban Development (DHSUD) sa katawhan nga dili mopalit og yuta sa usa ka residential subdivision kung wala kini Certificate of Registration, License to Sell, and Development Permit.

Sa Panabo City, tulo (3) ka developers ang nakita nga nagsupak sa balaod tungod sa pagbaligya og yuta sa internet nga walay mga lehitimong dokumento. Mao kini ang STW7 Real Estate Consultancy Services sa Barangay San Nicolas, 2GTD Realty and Consultancy Services sa Barangay Cacao, ug Bregger Davao Properties Inc. sa Barangay Upper Licanan.

Nahibaloan nga ang tulo ka developers nagbaligya nga walay License to Sell gikan DHSUD, wala nakaparehistro sa ilang proyekto sa DHSUD, ug walay mapakita nga Development Permit gikan sa Lokal nga Panggamhanan.

Gihatagan ang mga developer og napulo (10) ka mga adlaw nga mo-atiman sa mga rekisitos.

| Gen. Alforque