Ang Department of Information and Technology (DICT) nakatala og kinatibuk-ang 16,150,926 ka milyon nga mga nagparehistro sa SIM adtong Enero 9, 2023.
“Base sa mga rekord nga gihatag sa National Telecommunications Commission (NTC), ang kinatibuk-ang ihap kay 9.56% sa 170 ka milyon nga SIM sa tibuok nasud,” ang DICT nagkanayon sa usa ka pamahayag.
Ania ang rundown sa mga rehistradong SIM sa Enero 9:
• Smart Communications Inc. – 7,584,321
• Globe Telecom Inc. – 7,137,764
• DITO Telecommunity Corp.- 1,428,841
Giawhag usab ni DICT Spokesperson ug Undersecretary Anna Mae Yu Lamentillo ang publiko nga magparehistro og sayo ug magmabinantayon sa ilang pagkompleto sa proseso sa pagparehistro.
“Kung adunay mga aberya o teknikal nga mga isyu sa panahon sa pagparehistro, palihug i-report kini pinaagi sa hotline 1326. Gipahinumdoman usab namo ang tanan nga magparehistro lamang pinaagi sa mga opisyal nga plataporma nga gihatag sa mga PTE,” dugang pa ni Lamentillo.
Una nang giklaro sa NTC nga ang bag-ong napalit nga mga SIM card dili mahimong gamiton nga walay rehistro, ug ang mga SIM card nga wala marehistro sulod sa gihatag nga yugto sa panahon ma-deactivate.
Ang NTC midugang nga ang mga telecommunications companies magbutang og registration booths aron pagtabang sa mga senior citizens ug technology deprived individuals.
ANIA ANG MGA LINKS SA PROSESO SA PAGPAREHISTRO SA MATAG TELCOs:
-Smart at TNT Subscribers:
https://smart.com.ph/simreg
-Globe Subscribers:
https://new.globe.com.ph/simreg
-DITO subscribers:
https://dito.ph/RegisterDITO
Alang sa dugang detalye, bisitaha ang facebook page sa Department of Information and Communications Technology – DICT National Telecommunications Commission.
|IDOB
SMC| F. Paculanang, CIO-Multimedia
