October 11, 2022 — Gisuta sa Department of the Interior and Local Government (DILG) Audit Team ang LGU Panabo aron makita unsa ka episyente ug ka-epektibo ang Ease of Doing Business (EODB) labi na ang proseso niini.

Subay ang serbisyo sa EODB sa Republic Act 11032 o ang “Ease of Doing Business and Efficient Government Service Delivery Act of 2018” ug sa ARTA-DTI-DILG-DICT JMC 2021-01.

Anaa sa kalihokan ang mga pangulo sa Business Permit & Licensing Section, City Engineering Office, Bureau of Fire Protection, City Planning and Development Office, City Health Office, City Environment and Natural Resource Office, ug City Treasurer’s Office.

Ang DILG Central Office nga girepresentahan ni LGOO VI ni Belinda F. Castro ug POI Mark Royce Miralles naghatag sa ilang kaalam aron makuhaan kini og base sa LGU Panabo ug ma apply kini sa siyudad aron sa mas dali ug epektibo nga serbisyo alang sa mga Panaboans.

Naghisgot sila usab sa mga polisiya apil ang mga giya alang sa pagproseso sa mga permit sa negosyo, mga kalabutan sa mga clearance ug lisensya sa tanang syudad ug munisipyo, ug ARTA-DPWH-DILG-DICT-DTI-PRC-BFP JMC 2021-01 sa pag-amendar sa DILG-DPWH-DICT-DTI JMC 2018-01 o ang mga giya sa pagproseso sa construction-related permits kung diin ang tumong mao ang pagpahapsay sa Business Permit and Licensing System (BPLS) ug Building Permit and Certificate of Occupancy (BPCO).

Isip representante ni City Mayor Jose E. Relampagos, anaa si City Administrator Pedrito A Misoles kauban si Licensing Officer Juliet S. Nacario, Fire Marshall Janeth Mapesos ug Assistant City Engineer Joan Mazo ug Building Inspector Hannah Dominique L Domen inubanan sa Joint Inspection Team. Ilang gi presenta ang mga nagkadaiyang proseso sa mga dokumento sa matag opisina.

Plano sa Lokal nga Panggamhanan nga electronic na ang pagbayad aron nga masmadali na ang pagdawat sa business permit.

| Gen Alforque – CIO, Research Unit
| 📸 – A. Castilla, Q. Villahermosa, & F. Paculanang