Gipahigayon sa City Agriculture Office (CAGRO), Agricultural Biosystems and Engineering Section ang usa ka Training on Farm Machineries and Equipment Proper Handling diin adunay lima (5) ka asosasyon nga mag-uuma ang mitambong sa CAGRO Demo Farm, ATI XI Compound, Datu Abdul, Panabo City adtong June 6, 2024.
Ang tumong sa maong training, mao ang paghatag og dugang kahibalo sa mga mag-uuma bahin sa kaluwasan, han-ay, paspas nga pagtrabaho ug mga angay buhaton sa umahan lakip usab pag-atiman aron magdugay ang kinabuhi sa equipment.
Sumala pa aa speaker nga si Ramila S. Jamaani, “Pinaagi sa gipahigayong training among gi highlight ang pag maximize sa maong equipment aron magdugay kini o ginatawag nato’g maintenance.”
Ang makinarya sa agrikultura, nailhan usab nga teknolohiya sa agrikultura, usa ka hinungdanon nga himan alang sa pagpauswag sa produksiyon sa agrikultura. Dako kini ug tabang sa mga mag-uuma.
Sa ikaduhang bahin, nag-distribute usab og Fertilizer Applicator sa lima (5) ka asosasyon nga mao ang New Malaga High Value Crops Association, Kiotoy Integrated Organic Farmers Association, P2 Small Farmers Association ug Malativas Consolacion Kauswagan Farmers Association, dugang pa niini ang Power Sprayer Hose ug Drum.
Anaa sa maong aktibidad, si City Councilor Omar Ranain isip representante ni City Mayor Jose E. Relampagos, City Agriculturist Samuel S. Anay, Assistant City Agriculturist Reynaldo M. Agorde, Engr. Rheal L. Geraldo ug uban pa.
A. Dagno
Christian Costañemo
#ServicetoPanaboansServicetoGod
Categorized in Featured