Sayo sa kabuntagon gipahitabo ang turn-over apil na ang pagblessing sa mga ekipo nga mao ang tulo (3) ka Isuzu Elf nga mokantidad og P16,970,000.00 ug usa (1) ka Vacuum Tanker nga mokantidad usab og P32,990,000.00 alang sa pagmintinar sa mga drainage o kanal sa siyudad sa Panabo. Dugang kining ekipo sa Lokal nga Panggamhanan nga gamiton sa General Services Office (GSO) sa pagdumala ni Department Head Madera M. Bautista.

Kahinumduman nga sa tuig 2021 ubay-ubay ka mga ekipo ang gipalit sa LGU Panabo ubos sa liderato ni City Mayor Jose E. Relampagos nga adunay panglantaw sa kauswagan ug pagpalambo sa mga serbisyong hatod sa gobyerno.

Sa maong kalihokan, anaa ang mga department heads nga sila CHRM Officer Jan Mari G. Cafe, City Civil Registrar Evelyn A. Somozo, City Accountant Mylene M. Hermosora, City Legal Officer Atty. Chervin C. Paculanang, CSWD Officer Chariena Joy G. Lacuin, CENR Officer Engr. Felix Jonases P. Senajon, City Economic Enterprise Manager Nemesio L. Rasgo, ug Executive Secretary Josie Mary G. Relampagos.

|Ivory Dawn O. Balogbog, CIO-PIRO
📸Rommel Cayas, CIO-Multimedia