May 23, 2022 – Unang adlaw sa F2F class gipanghitabo sa San Vicente Elementary School sa Barangay San Vicente diin adunay 730 ka studyante ang nagpa-enrol gikan Kinder hantod Grade 6.

Matod pa ni School Principal Dr. Rosemarie Patriarca nga dako ang iyang kalipay kay nahimong nagmalampuson ang pag-abre sa F2F classes. Dugang pa niya nga, “Mapasalamaton gihapon kami kay ang suporta gikan sa atong syudad sa Panabo nagpabiling hingpit. Gani midonar og mga graba ug nagpahiram oh mga tents nga nahimong dakong tabang sa atong tulonghaan.”

Mipaabot usab og mensahe ang usa ka ginikanan na si Lucila Casalta nag malipayon siya kay tungod sa F2F class mas daghan na matun-an ang iya mga anak kay kung module ra matapol usahay ang iyang mga anak mubuhat sa mga dapat buhatonon lahi ra ang makat-onan sa estudyante kung ana-a mismo sa mga skwelahan.

Karong adlawa adunay onse (11) ka mga tulonghaan ang nag-abre sa ilang F2F class mao ang, Rizal Elementary School, Dondoy Elementary School, Nanyo Elementary School, Kasilak National High School, Malativas National High School, Kauswagan National High School, Teofanis Gerona Elementary School, Consolacion Elementary School, Dalisay Village Elementary School, ug Desiderio Dalisay Sr. National High School.

✍️ Kerwin Estaca, CIO-OJT
📸 Rommel Cayas, CIO-MULTIMEDIA