Nagpadayon ang pagtrabaho sa 620 meters nga Farm to Market Road Project sa Barangay Tagpore karong bulana para mahatagan og kahapsay nga biyahe ang mga mag-uuma padulong sa merkado kung asa nila mabaligya ilang mga ani. Giduso ang pagkompleto sa proyekto ilawom sa liderato ni City Mayor Jose E. Relampagos inubanan sa mga personahe sa City Engineering Office sa pagpanguna ni Engr. Bernardo Rabanoz, Jr.

Sumala pa sa State of The City Address ni Mayor Relampagos adtong Marso 2021 nga iyaha kining gi prayoridad aron mas mapadali pa ang pag panaog sa mga produkto sa lagyong Barangay sa Panabo ngadto sa merkado ug mahatagan og hapsay nga agianan ang mga lumulupyo sa pang adlaw-adlaw nila nga lakaw o katikaran.

Ilawom ang proyekto sa 10-Point Agenda ni Mayor Relampagos kabahin sa Road Construction and Infastracture Development kung diin ginatagaan og pagtagad ang mga dalan og uban pang mga proyektong imprastraktura alang sa katawhan sa Panabo.

Padayong ang pagpatuman sa uban pang Farm to Market Road Project sa ubang barangay alang sa kalamboan sa siyudad sa Panabo.

| Gene Alforque
📷 M. Gentiles