Enero 27, 2023 – Gihatag sa 33 ka mga hog raisers na gikan sa mga barangay na Malativas, San Nicolas, New Malitbog, Quezon, Sta. Cruz, Cagangohan, New Visayas, ug San Francisco ang mga feeds na gikan sa Department of Agriculture (DA) pinaagi sa City Veterinary Section ug City Agriculture Office (CAGRO) sa Panabo Gym.

Ang maong pagpanghatag, usa ka programa sa DA nga Swine Recovery and Repopulation Hog Sentineling Program nga nagsilbing protocol aron masuta kung ang ASF virus o bisan unsang sakit sa baboy anaa pa sa mga lugar. Parte niini, ang Lokal nga Panggamhanan maghatag og mga baboy sa mga benepisyaryo dayon ilaha kining buhion sulod sa 40 ka adlaw.

Sa Pebrero 10 karon tuiga, mahatag ang maong mga baboy ug human anang adlawa magsugod ang ihap sa 40 ka adlaw. Human sa 40 ka adlaw nga pag-atiman, mobisita ug mangolekta ang City Vet og mga dugo sa baboy pinaagi sa random sampling ilabina tong mga lugar nga adunay naapektuhan sa ASF.

Gipadayag usab ni City Veterinarian John Ray Bautista na kinahanglan adunay kaalam ang mga tigbuhig baboy sa Farm Biosecurity Protocol o ang pagdumala og mga lakang sa umahan aron malikayan ang pagtakod ug pagkuyanap sa sakit, “Nakita sa DA na kinahanglan makarecover ang Swine industry pinaagi sa repopulation. Kailangan makabalo mo unsaon pagdepensa sa mga baboy na luwas sa mga sakit, kini gi-emphasized sa DA kay mao lang ni ang tsansa na maka-survive ang inyong mga binuhi”, dugang pa ni Bautista.

Nagpaabot usab og mensahe si Asst. City Administrator Brenda A. Sauping, “Ang city nakahatag og support alang sa inyong recovery gikan sa inyong mga income ug sa inyong mga binuhing baboy. Hopefully, we will start reviving sa inyong mga business ang kanang inyong mga hinaguan di gyud na masayang.”

Saksi usab sa pagpanghatag si City Vice Mayor Gregorio Dujali III, City Administrator Pedrito A. Misoles, CGADH-CAGRO Reynaldo Agorde kauban ang mga personahe sa City Veterinary Office ug City Agriculture Office.

#PanaboCity
#importanteinformed
#ServicetoPanaboansServicetoGod

Photos| Q. Villahermosa, E. Pan
|M. Lagura