Agosto 7,2020, nagpahigayon og final dry-run sa Blended Learning nga modalities ang Southern Davao Elementary School diin gipasundayag niini ang paggamit og Modular ug Online Teaching.

Ang pagpahigayon og final dry run kay subay sa “Handing isip, Handa bukas!” sa Deparment of Education. Ginapasundayag niini ang pagprepara sa pag-implementa sa distance learning sa tuig 2020-2021.

Matod pa ni Chief Education Supervisor Mary Jeanne B. Aldeguer, “I’m very thankful and I would like to extend my congratulations to Southern Davao Elementary School because they made and gathered but they still have that positivity of changing those observation to what it should be for the benefit of the learners.”

Dungag pa niya nga nalipay siya sa pag-andam sa eskwelahan alang sa unang adlaw sa pagskwela sa mga bata. “The school is flexible in catering different modalities and they come out ready for August 24,2020 because they exceed the preparation.”

Gibutyag sad ni Principal II Carolyn M. Arado, “We are very much ready sa August 24,2020 nga pagsugod sa klase ug prepared nasad ang maong mga class modules ug programs.”

Ang dry run gisalmotan sa mga kawani sa DepEd Panabo City Division ug DepEd Regional Office.

| Mel HILARIO, CIO-PIRO