Sa programang Ang Panabo Karon sa Radyo 911, gibutyag ni Acting City Fire Marshal SINSP Janeth Mapesos-Lequigan nga adunay daghan nga pamaagi sa paglikay sa sunog sa usa ka panimalay pinaagi sa ilang mga pahinumdom ug programa alang sa mga katawhan sa Panabo City.

Matod pa ni SINSP Lequigan nga dili nila ikahadlok ang pag duaw sa mga fire trucks sa Barangay kay kini nag hatod og mga kaalam laban sa sunog.

Ilaha usab gi tudlo sa radio program ang “STOP, DROP, and ROLL’ kung ugaling makaptan ang sanina og kalayo. Pwede kining buhaton aron malikayan pa ang pagdako sa kalayo nga posibleng mag butang sa tao sa alanganin na sitwasyon.

Gipa ila-ila usab sa BFP Panabo si EDITH o EXIT DRILL IN THE HOUSE. Ginatudloan nila ang kada myembro sa pamilya kung asa pwede mogawas in kaso nga aduna nay kalayo sa sulod sa panimalay.

Ug ang ulahi, ang Good House Keeping kung asa usab gina pahunumduman nila ang katawhan sa permanenteng pangpanghinlo sa mga panimalay labi na ang paglabay sa mga basura nga dali lang mo dakop og kalayo.

Alang usab sa mga maka kita sa sumasamang insidente, gi imbita sa BFP ang mga concern citizen na mangayo og tabang pinaagi sa pagtawag sa hotline nga 0928-458-7586, 0965-933-4466- ug 084 – 823 -1773.

Likayan usab ang pag post live sa sunog sa mga Facebook account o sa social media aron ma pugngan pa na makabsan og kabtangan o kinabuhi ang nasunogan.

| Gen Alforque-CIO