Hulyo 15,2021 — Nagsugod na ang pagbakuna alang sa mga indibidwal nga apil sa A4 priority sector o ang Frontline Personnel in Essential Sectors sa Panabo City Gym. Apil sa maong sektor ang mga trabahante sa mga pribado ug pampublikong ahensiya.

Matod pa ni Mia Cocjin, trabahante sa usa ka bangko, nga dili dapat basta-basta motuo sa mga negatibong komento sa social media mahitungod sa pagbakuna. Dugang niya, “Upon research, okay man pud ang effect sa vaccine and magamit na siya soon as travel requirement.”

Sumala pa ni National Immunization Program Coordinator, Mafel Mugas RN, nga nagapaningkamot ang ilang team nga mag-double time tungod nagkadaghan na ang mga gusto magpabakuna. “We are preparing ourselves because nagakadaghan na ang mga nagapa-schedule nga magpabakuna especially karon na nagsugod na ta sa A4 sector,” saysay niya.

Gawas sa A4, ang City Health Office nagapadayon sa pagbakuna sa mga senior citizens (A2) ug persons with comorbidity (A3).

Alang sa mga katawhan nga naapil sa priority sectors nga gusto magpabakuna, mamahimong moduol sa ilang Barangay Health Station aron mahatagan og schedule.

| Sonny L. Calizar, CIO – PIRO
📷 | MCG