Hunyo 1,2021 – Gipahigayon ang Groundbreaking Ceremony alang sa umaabot nga Panabo City Infirmary Hospital nga nahimutang sa 22,503 sqm na luna sa Barangay Little Panay, Panabo City diin opisyal usab gisugdan ang pagkonstrak sa gambalay. Ang 25-bed capacity nga hospital namugna pinaagi sa usa ka republic act nga gisulat ni 2nd District Congressman Hon. Alan R.Dujali ug natukod pinaagi ni Provincial Governor Hon. Edwin I.Jubahib.

Nanguna sa Groundbreaking Ceremony sila Governor Jubahib ug City Mayor Jose E. Relampagos. Ingon pa ni Governor, “Masiguro nato nga ang mga kaigsoonan natong nanginahanglan, pwede na dli muadto og layo para magpatambal.”

Sa pikas bahin, nagpaabot og pagtimbaya si City Mayor Relampagos sa mga personahe luyo sa maong proyekto. Matod pa niya, kailangan magkahiusa ug magtinabangay ang katawhan alang sa kalambuan sa siyudad. “Maningkamot ko nga tagaan og maayong proyekto ang katawhan sa siyudad sa Panabo,” sumala ni Mayor.

Dugang pa ni District II Board Member Hon. Franklin Gentiles, “This project could give meaningful services to the people of Panabo in terms of health.”

Duyog sa kalihokan sila Rev Fr. John Kristopher Nalam, Barangay Little Panay Captain Hon. Antonios Dela Cruz, Jr., Provincial Vice Governor Hon. Rey T. Uy, Provincial Adminintrator Engr. Josie Jean Rabanoz, PEO South District Engr. Tes Ababon, Assistant City Health Officer Dr. Eranie L. Pangilinan.

| F. Paculanang, Margot Lagura
📷 Rommel Cayas