Human sa malampusong pag-abre sa limitadong F2F class gikan Kinder hantod Grade 3 sa Roxas Elementary School (RES) sa Barangay Lower Panaga adtong March 7,2022, nagsugod na usab ang klase sa Grade 4 hantod Grade 6 adtong April 5,2022 diin sa unang batch niini adunay 27 ka mga estudyante ang misalmot sa unang adlaw sa ilang klase tungod gitunga kini sa duha ka batch. Sa katibuk-an adunay 57 ka mga estudyante ang pormal ug opisyal ng musulod sa ilang klase.

Sama sa mga naunang batch, nakadawat usab og school supplies ang mga estudyanteng misalmot apil ang masigabong pagsugat kanila sulod sa tulonghaan.
Mapasalamaton si School Principal Jonalyn Badua sa tanang mga tao nga nagpaluyo sa padayong pagpahigayon sa limitadong F2F class ilabi na sa mga magtutudlo sa RES ug sa DepEd Panabo nga makanunayon ang suporta sa ilang tulonghaan.

Sa sunod higayon, atangi ang mga tulonghaan nga mag-abre usab sa limited F2F class sa siyudad sa Panabo.
|I.Balogbog, CIO-PIRO
📸 Jonalyn Badua