Ika pitong batch sa Voluntary Submitted for Reform (VSR), migradwar na ubos sa mga programang Community Based Rehabilitation Program ug Information Management System DAVNOR CBRP-IMS Katatagan Kontra Droga sa Komunidad nga gipahitabo sa Barangay Kasilak adtong Mayo 24, 2022.

Adunay 19 ka mga VSRs nga gikan sa Barangay Kasilak ang malipayon nga mihuman sa maong programa. Dugang niini, nakompleto na usab nila ang usa ka bulan nga general intervention program nga girequire sa Department of Health (DOH).

Nagmalaumon si City Mayor Jose E. Relampagos kauban ang mga ahensya ug opisina nga ubos sa pagdumala sa maong programa, nga padayunon ang nasinating kabag-ohan sa mga VSRs alang sa ilang kaayohan ug hikalimtan na gayud ang makonekta sa ilegal nga droga.

Anaa sa maong seremonyas sola City Anti Drug Council Officer-In-Charge Roqeous Cimafranca, PDEA Prov’l Officer IAIII Julius A Magdadaro, Officer Incharge Panabo City Police Station PMAJ Adelon M. Caacbay, RPSB Cluster Head PLT Francisco S. Caslib, Brgy. Officials of Kasilak, CSWDO Representative Samuel Eblamo, RSW.

✍️ Tim Acebedo, CIO-PIRO
📸 Emman Pan & Francis Paculanang, CIO-MULTIMEDIA