January 20, 2022 – Gipahitabo ang groundbreaking ceremony sa Local Access Road sa Barangay Consolacion nga adunay sukod nga 913.5 meters o hapit usa ka kilometro. Ang dalan padulong sa sementeryo sa Barangay kung diin maka gamit usab ang uban pang silingan nga mga Barangay.

Sumala pa ni Kapitan Pablito Tocmo, Sr. nga siya mapasalamaton tungod adunay programa si Pangulong Duterte nga matagaan og tagad ang mga mulo sa iyang gingsakupan, ingon pa niya. “Ayaw mog kabalaka isunod nato ang water system, naka han-ay na tanan ug pasalamatan nato ang tanang nagpaluyo nga matuman ni nga programa.”

Gihatagan usab og bili ni Mayor Jose E. Relampagos ang kontribusyon sa kasundaluhan ug kapulisan apil na sab ang Department of Interior and Local Government (DILG) nga hingpit ang ilang suporta aron matuman ang tinguha ni Pangulong Duterte. “Gipaningkamotan ni Presidente nga matagaan ang hilit nga barangay sa siyudad, wala siya nagpabaya aron magkahiusa nata,” ingon pa ni Mayor Relampagos.

Usa ang Barangay Consolacion sa 20 ka mga barangay sa siyudad nga na apil sa Baragay Development Program ilawom sa Executive Order No. 70 o ang End Local Communist Armed Conflict (ELCAC) nga layon na matagaan og proyekto ang katawhan aron dili na sila malimbong sa mga rebeldeng grupo.

Anaa sa kalihokan si Konsehal Emeterio Blase, City Local Government Officer Danilo M. Hernandez sa DILG,ABC President Hon. Conrad Matutino, City Engineer Bernardo Rabanoz, Jr , mga Barangay Functonaries sa Barangay Consolacion, 27th IB CMO 1LT. Kevin Fulgar isip representanti ni 27th IB Batallion Commander Victorinio Seño ug PSMS Randy Sta. Maria nga gi representa si PNP Panabo Chief PLTCOL Atty. Verna L. Cabuhat.

Ang maong groundbreaking giandam sa buhatan sa City Engineers Office sa Lokal nga Panggamhanan sa Panabo.

✍ | Gene Alforque – CIO/PIRO
📸 | Aljun Castilla – CIO Multimedia