Tubag sa kawad-on sa tubig ang gipahitabong ground breaking sa Barangay Buenavista kung diin maka benepisyo usab ang mga barangay sa Waterfall, Cacao, ug Katualan. Ang maong proyekto ilawom sa Executive Order No. 70 o End Local Communist Armed Conflict ni Presidente Rodrigo Roa Duterte.

Layon sa maong programa nga mahatagan og saktong proyekto ang 20 ka mga barangay sa siyudad. Adunay budget nga P 20M matag barangay nga apil sa ELCAC. Ang maong proyekto tabang sa mga kasundaluhan, kapulisan, ug Lokal nga Panggamhanan aron mapakgang ang komunista terorista sa maong mga barangay ug aron nga maka benepisyo ang katawhan ug dili na sila mo apil sa dautang kalihokan kontra gobyerno.

Nanghinaot si City Mayor Jose E. Relampagos nga ma ampingan ang maong proyekto aron maka pahimulos pa og maayo ang katawhan sa upat ka barangay nga naka benepisyo niini. “Pasalamatan nato atoang Presidente Duterte ug atong mga men in uniform kay sila ang naningkamot niini nga programa, kung aduna moy ma encounter na kalisod, ayaw mog kaulaw mo doul sa akong opisina,” dungag pa ni Mayor Joe.

Sumala pa ni Cerillo Purisa nga sa sulod sa 40 ka tuig mao kini ang ilang dakong gina problema matag adlaw, mo abot pa sa punto nga mo adto sila sa merkado aron mo palit lamang og tubig magamit para sa paglaba, hugas plato, pagdigamo, ug pag ligo. “Dili nami malisdan sa pang adlaw-adlaw, salamat sa pag paningkamot nila Mayor, mga kapulisan ug kasundalohan,” dungag pa niya.

Anaa sa seremonya si 27th IB Batallion Commander LTCOL. Victorino Seño, Panabo Chief of Police PLTCOL Atty. Verna L. Cabuhat, Department of Interior and Local Government Cluster Head Jeannette Palmera, Barangay Captains Nilo Suganob ug Rico Canones, City Administrator Pedrito A. Misoles, City Engineer Bernardo Rabanoz, Jr ug uban pang mga Department Heads sa Lokal nga Panggamhanan sa Panabo.

| Gene Alforque – CIO/PIRO
📸 | Emman Pan – CIO Multimedia