Subay sa selebrasyon nga National Children’s Month gihatag na sa City Social Welfare Development Office (CSWDO) ang health kits ug snacks alang sa 3,200 ka mga bata sulod sa 88 ka day care centers sa Panabo adtong Nobyembre 18,2021 sa New City Hall Lobby, Panabo City.

Ang National Children’s Month usa ka tinuig na selebrasyon alang sa mga bata aron mapakita kanila ang maayo nga pag-amuma, adunay himsog nga kinabuhi, mahimong aktibo nga mga estudyante ug pag-uswag sa ilang kapasidad pinaagi usab sa tabang sa mga Day Care Teachers.

Gipaabot sa CSWDO sa pagdumala ni Department Head Chariena Joy G. Lacuin ang kanunay nga suporta sa lokal nga panggamhanan alang sa mga day care centers.

Mipabilin usab og mensahe si Executive Secretary Josie Mary G. Relampagos isip representate ni City Mayor Jose E. Relampagos. Ingon niya,”Hinaot nga daghan pa og mga aktibadades ug mga programa na mahatod sa mga katawhan sa siyudad ilabi na sa mga kabataan.”

Ang National Children’s Month ginasaulog sa bulan sa Nobyembre subay sa Republic Act No. 10661 ni dating Pangulo Benigno S. Aquino III.

| Ivory Dawn Balogbog, CIO-PIRO
📸 | Erick A. Etis, CIO-Multimedia