Magsugod karong bulan sa Marso 2021 ang simulation sa bakuna kontra COVID19 sa siyudad sa Panabo. Gipangandaman na kini sa Lokal na panggamhanan sa Panabo pinaagi sa City Health Office.

Priyoridad sa CHO ang mga frontliners o health workers gumikan nga sila ang taas og tyansa na ma expose sa mga taong adunay COVID19 apil na niini ang mga health workers sa tanang barangay sa Panabo. Apil usab sa prayoridad hatagan ang mga indigent ug non-indigent senior citizens ug mga uniform personnel sa siyudad.

Mahitabo ang paghatag sa bakuna sa ARF Gym sa Panabo sunod sa nasabutan og na planohan sa City Health Office og LGU Panabo.

Adunay gi andam nga mga sakyanan nga mokuha sa mga residente panahon sa vaccination. Gi laoman na paghuman og hatag sa mga priority sectors, mo sunod na ang tibook katawhan sa siyudad sa Panabo.

Ingon pa ni Assistant City Health Officer Dr. Eranie L.Pangilinan nga ginapaabot na lamang ang pag abot sa bakuna aron ma deploy na kini sa katawhan.

Atangi ang mo sunod na mga update sa City Government of Panabo ug Panabo City Health facebook pages.

Gen Alforque – CIO