Ubay-ubay na gyud ka mga maayong pamatasan nga panaboans ang nahatagan og pag-ila sa Lokal nga Panggamhanan mao ang Honesty Award.

Sa maong storya, wala nagpaulahi sa pagpakita og talagsaon nga buhat si Juanito E. Paris nga usa ka Pedicab driver sa Purok 7-B Barangay Southern Davao diin nakakita siya og kabtangan na cellphone sa iyahang mismong pedicab.

Nagaturno si Paris sa Panabo City Hall ug nakit-an ang butang adtong Disyembre 19, 2022. Midagan pa og lima (5) ka adlaw bago niya kini nakit-an sulod sa iyahang basurahan ug sa walay pagduha-duha nga i-surrender ang maong kabtangan sa City Administrator Office.

“Kung naa moy makita na mga gamit sama ani, atong ihatag ni sa tag-iya. Naa man tay kahadlok sa Ginoo na dili manghilabot og dili atoa,” mao kini iyang saysay sa tanang katawhan na makakita og gamit nga nawala.

Si Juanito E. Paris ang ika-27th na nahatagan og Honesty Award sa lokalidad tungod sa gipakitang talagsaon nga pamatasan.

Sa panahon karon ilabina nga nagpait, dili malikayan nga makabuhat og di maayo, pero gipili ni Paris ang maayo kesa sa kontra ug tungod ana, gigawaran siya og plaque ug token isip usa ka Honest Panaboan pinaagi ni Executive Secretary to the City Mayor Josie Mary G. Relampagos.

Photos| R. Cayas
|M. Lagura