Nagpadayon gihapon ang pag-ila sa mga matinud-anong Panaboans sa tuig 2023 ug isa na didto si Manuel L. Pamonag, usa ka pedicab driver nga taga Gamao Subdivision. Siya ang nakakita og wallet na gipanag-iyahan ni Rezcelle Joy Malnegro nga usa ka LGU employee.

Samtang namasahero adtong Enero 10, nabilin ang maong kabtangan sa pedicab na gisakyan ni Malnegro ug walay pagduha-duhang gitunol kini ni Pamonag sa ilahang presidente sa Toda. Giingnan siya nga moadto sa City Hall aron matabangan og pangita sa tag-iya.

Gigawaran si Pamonag sa Lokal nga Panggamhanan og plaque ug token nagapamatuod sa iyahang talagsaon nga buhat. Siya ang ika-una nga nakadawat og Honesty Award sa tuig 2023.

#PanaboCity
#importanteinformed
#ServicetoPanaboansServicetoGod

Photos| A. Castilla
|M. Lagura