Gipahigayon ang Hybrid Yellow Corn Harvest Festival sa Eternal Garden Compound, Barangay Datu Abdul Panabo City adtong November 9, 2021 diin adunay 35 ka mga mag-uuma gikan sa mga barangay Quezon, Southern Davao, Nanyo, Malitbog, Manay, Kasilak, Little Panay, ug Upper Licanan.

Gibuhat kini aron masusi ang mga panginahanglanon sa mga mag-uuma ug mapaila saila ang bag-ong teknolohiya na makatabang aron sa pag taas sa ilang harvest ug matabangan sa pag pangita sa nagkalain-laing potensyal na mamalitay.

Apil sa maong kalihokan ang pagpaila sa bag-ong variety sa mais ug mga kemikal na maoy isa sa mga pwedeng gamiton sa mga mag-uuma sa ilahang mga luna.

Hinaot pa ni City Agriculturist Samuel N. Anay, “Maningkamot ang LGU Panabo na makatabang pa sa atong mga mag-uuma, sama sa Corn Sheller ug Hammer Mill.” Dugang pa niya na sa pag abot sa 2022, mapatuman ang Budget na gigahin para sa mga mag-uuma sa mais.

Ang maong kalihokan gipangunahan sa Panabo City Agriculture Office kauban ang SYNGENTA Philippine Incorporated na maoy nag andam sa mga produktong kinahanglan para mapakita sa mga mag uuma.

| ShellaMy Sojor, CIO-SPES
📸| Rommel Cayas, CIO-Multimedia