Pebrero 18, 2021 — Nagsaulog sa iyang ika-100 na birthday si lola Apolonia R.Devibar nga taga Barangay San Vicente. Siya ang ika-walo nga Centenarian Awardee sa siyudad sa Panabo diin makadawat siya og 100,000 pesos gikan sa DSWD subay sa RA 10868 o Centenarian Act of 2016 ug 30,000 pesos gikan sa Lokal nga Panggamhanan sa Panabo pinaagi sa CSWDO subay sa Centenarian Ordinance sa Panabo.

Naghatag sad og usa ka sakong bugas ang City Mayor’s Office isip dugang assistance sa pagselebrar sa birthday ni Lola Apolonia.

Siya gigawaran sa maong gantimpala ni City Mayor Jose E. Relampagos pinaagi kay Executive Secretary Josie Mary G. Relampagos ug ni City Councilor Hon. Flopone Royle Catalan nga author sa Centenarian Ordinance sa Panabo.

Pag-ampo ug pagkaon og isda ang sekreto daw ni Lola Apolonia aron maabot niining edara. “Nagapray ko sa Ginoo. Ug sa pagkaon, di ko mukaon og baboy. Isda ang akong ginakaon, mao na akong paborito”.

Ang Centenarian Awardee subay sa Centenarian Act of 2016 nga magahatag og cash incentive sa mga senior citizen na muabot sa edad nga 100.

Alang sa uban pang impormasyon, mamahimong mubisita sa Office of Senior Citizen Affair (OSCA) nga nahimotang sa Barangay New Pandan, Panabo City.

|Sonny L. Calizar, CIO-PIRO
📸| MCG