Mipailawom na ang ika-walong batch sa Voluntary Submitted for Reform (VSR) nga naggikan sa Barangay Manay ug Barangay Dalisay sa Community Based Program o Sikap Reformista (Simula ng Bagong Kinabukasan) kauban ang DAVNOR CBRP-IMS sa ilang programang Katatagan Kontra Droga sa Komunidad (KKDK) adtong Mayo 27, 2022.
Ubos sa ilang Moral Recovery Program ang intervention kung diin gihisgotan ang “The Prodigal Son’ nga hatod ni Pastor Gil Gepolan didto sa Barangay Manay ug gihisgotan ni Pastor Lanie ug Fred Porcalla ang ‘Steps to Recovery’ (Cor. 5:17) sa Barangay Dalisay.
Sentro usab sa panaghisgot ngadto sa mga VSRs ang epekto sa ilegal nga droga ug ang importansya sa pagbag-o ngadto sa kaayohan.
Sa maong kalihokan, nagpahitabo usab og random drug testing nga gidumalaan sa City Anti-Drug Council (CADAC) sa pakig-alayon sa City Health Office ug gitapos ang kalihokan sa pagpahigayon og Community Service pinaagi sa pagpanglimpyo sa palibot sa matag venue sa programa.
Nagmalaumon si City Mayor Jose E. Relampagos ug ang CADAC nga gipangulohan ni Roqeous Cimfranca, nga ang mga nalambigit sa ilegal nga droga mobalik na sa tama nga panginabuhian ug kalimtan na ang butang nga dili makamaayo ka nila.
✍️ Tim Acebedo, CIO-PIRO
