Ika-walong batch sa Voluntary Submitted for Reform (VSR) persons, migradwar na ubos sa DavNor Community Based Rehabilitation Program-Information Management System (CBRP-IMS) ug Katatagan Kontra Droga sa Komunidad nga gipahitabo sa Barangay Manay Gym, Panabo City adtong Hunyo 17, 2022.

Sa maong seremonyas, adunay 103 ka mga VSRs nga gikan sa barangay Manay ug duha (2) niini gikan sa barangay Kasilak ang mitapos sa programa alang sa kabag-ohan.

Ani pa ni Team Leader PDEA Panabo OI2 Nicasio Manlaot, nga ang ilang pagtapos sa programa dili lamang alang kanila kung dili alang usab sa ilahang mga mahal sa kinabuhi. “Be serious sa inyong pagbag-o aron padayon ninyong makita ang kaayohan nga inyong gipili,” dugang ni OI2 Manlaot.

Sulod sa kalihokan, gisiguro sa Lokal nga Panggamhanan nga ang mga migradwar adunay saktong nakutloan sa pila ka semanang pagsalmot sa maong programa aron dili na sila mobalik ug tinud-anay sila sa ilang pagbag-o.

Anaa sa seremonyas sila CADAC Action Officer Roqueos L. Cimafranca, Barangay Committe on Peace and Order Hon. Benjie L. Daquio, PLT. Edwin Dapar, PLT. Jalil, ug Social Welfare Officer II Samuel Marlixandro P. Eblamo.

✍️ Tim Acebedo, CIO-PIRO
📸 Emman Pan, CIO-MULTIMEDIA