Gihisgutan sa programang RaJOE Serbisyo 94.3 Dream Radio ang mga imprastraktura sa siyudad sa Panabo kauban si City Engineer Bernardo C. Rabanoz, Jr. adtong Disyembre 15,2021.

Gibutyag ni Engineer Rabanoz nga hapit na makab-ot sa lokal nga panggamhanan ang 100% nga Road Concreting Project sa Panabo City. Sa kasamtangan, anaa na sa 90% ang maong proyekto sa lokal nga panggamhanan.

“Malaumon kita nga sa umaabot nga tuig 2022 makompleto na gayod ang Road Concreting Project sa mga road sections nga atong target,” dugang sa engineer. Ani pa niya nga sa liderato ni City Mayor Jose E. Relampagos gihatagan niya og prayoridad ang mga city roads sa Panabo tungod importante kini sa pagbyahe ug madungagan pa ang mga investors.

Mahinumduman nga ang road concreting apil sa 10-Point Executive Agenda ni City Mayor Relampagos kabahin sa Road Construction and other Infrastructure Development.

Alang sa ubang detalyi, tanawa ang live coverage sa City Government of Panabo FB Page o sa link: https://fb.watch/9Vi7KzsUDK/

| Tim Acebedo, CIO-PIRO