Gipahigayon sa LGU Panabo pinaagi sa City Health Office (CHO) ang International AIDS Candlelight Memorial 2024 nga adunay temang; “Kandila ng Pagkalinga, Liwanag ng Pag-asa”, nga gipahitabo sa Freedom Gym, Brgy. New Pandan, adtong Mayo 30, 2024.
Ang tinuig nga pagsaulog sa Candlelight Memorial nagsilbi nga kampanya sa pagpalihok sa komunidad aron mapataas ang kaamgohan sa katilingban bahin sa HIV ug AIDS.
Bago ang pagsindi sa mga kandila, aduna usab Pinning of Red Ribbon isip simbolo nga gigamit sa tibuok kalibutan sa pakigbatok sa HIV/AIDS. Ang pula nga laso nagsilbing biswal nga paghinumdom sa nagpadayon nga epekto sa maong balatian.
Atol sa kalihokan, gi-representar usab ni Provincial STI/HIV Program Coordinator Leilani Kristi Cobrado, RN ang HIV trends report sa Probinsiya sa Davao del Norte lakip na sa siyudad sa Panabo.
Sa programa, anaa ang presensiya ni SK Federation President Julienne Angel Capuyan, Assistant City Administrator Brenda A. Sauping, STI/HIV Program Coordinator Jane Michelle G. Lumba, RN, Region XI Care Officer IDEALS Inc. Philip Tagab, DRMC Redstar Clinic Rep. Carl Christian Jandayan ug Ken Ryan Dizon, RN, Alagad Mindanao Jeanethe Tolop, RSW,, Panabo Polymedic Rep. Merlyn Alferez, PSFI Peer Navigators & Case Finder, BHW Presidents, PLHIV Community representative Daryl Quezada, ug uban pang mga personahe gikan sa CHO Panabo.
Alang sa mga dugang detalye, atangi ang Frontline News Panabo sa Panabo City Information Office Facebook Page.
Photos | Christian Costañemo
#ServicetoPanaboansServicetoGod
Categorized in Featured