Enero 20, 2022 – Gipadala ni City Mayor Jose E. Relampagos si Executive Assistant to the City Mayor Jo-Anne Relampagos Capuyan sa kabanay sa namatay nga si Ariel Iyo Lamosao, 27 anyos, lumulupyo sa Barangay Manay. Kini aksidenting nalunod sa sapa adtong Enero 18, 2022. Gipaabot ni Mayor Relampagos ang iyang simpatiya sa pamilya sa biktima apil usab sa paghatag og cash assistance ug bugas alang kanila.

Sumala pa sa umagad sa biktima nga si Rosilinda Naquila nga sila nasubo sa kalit nga panghitabo ug sila nagpasalamat usab kay Mayor Relampagos nga nakiramay siya kanila ilabi na sa iyang anak na si Vannie Rose Santos nga asawa sa biktima.

Sa gihimo ni Giovannie Naquila, Christony Tereso, Edwin Venus, Jose Tereso, Reynaldo Bainticolo, ug Badondon Samson nga pagkuha sa patayng lawas, sila gipasidunggan ni Mayor Relampagos og Certificate of Commendation, bugas, ug oppurtunidad nga mahimong Police Auxiliary sa Panabo Police Station sa pag approba ni PLTCOL Atty. Verna L. Cabuhat ang hepe sa PNP Panabo nga mismo mi uban kay Capuyan aron ipaabot ang maayong balita kanila.

Mahinumdoman nga Enero 19, 2022 mi abante ang rescue team sa siyudad apan wala nila makit-e ang biktima ug wala nawad-ag pag- laom ang iyang kabanay ug mga higala nga padayon nilang gipangita si Ariel ug ilang gi tinguha nga makita kini nila nga luwas ug buhi pa, apan sa ulahi ilang nakaplagan ang biktima nga wala nay kinabuhi.

Nagpahinumdom ang Lokal nga Panggamhanan sa Panabo nga mag amping kanunay sa kada adlaw nga pagpaningkamot aron walay disgrasya nga mahitabo.

Alang sa emerhensiya, mamahimong mo tawag sa:

City Disaster Risk Reduction Management (09302385937)
Coastguard ( 09061717420)
PNP Panabo ( 09073122991)
BFP ( 09659334466)

✍️ | Gene Alforque – CIO/PIRO
📸 | M. Gentiles – CIO/ PIRO