Gisugdan sa Tree Planting Activity ang selebrasyon sa Kabataan Day 2024, diin 200 ka Malibago Trees ang gitanom sa Riverside, Brgy. Upper Licanan, Panabo City nga gipartisiparan sa mga miyembro sa Panabo City Youth Development Section, Local Youth Development Council ug SK Federation, karong adlawa Marso 16, 2024.
Usa lamang ang tree planting sa mga kalihokan na gipahigayon sa Kabataan Day subay sa selebrasyon sa ika-23rd Araw ng Panabo nga adunay temang “Pagpasalamat sa mga Katuigan: Kausbawan sa Panabo, Kahimoan sa tanan!” aron sa pagpahinungod sa kinaiyahan, pag-atiman ug paghatag og bili niini.
Kini usa sa mga programa sa opisina ni Mayor Relampagos pinaagi sa Panabo City Youth Development Office nga gipanguluhan ni OIC-LYDO Lester John Bulfango.
Sa maong kalihokan, anaa ang presensya ni SK Federation President Hon. Julienne Angel V. Capuyan, kauban usab ang City Environment and Natural Resources Office (CENRO) nga niggiya sa pagtanom.
Nakigduyog usab sa aktibidad ang mga personahe sa BFP, Philippine Coast Guard, 27th Infantry Battalion, City Disaster Risk Reduction Management Office ug SK Officials.
Service to Panaboans, Service to God!
|R. Libaton
Photos |A. Castilla
Categorized in Featured