Gibutyag ni Solid Waste Management Specialist sa CENRO nga si Norollah Thom B. Pelayo, “Ang problema sa paglabay og basura mao ang disiplina sa tao. Kita naa pa man sa pandemya dili jud kita makaadto sa matag-barangay para magconduct og symposium ug IEC seminar.”

Iyaha sad gidugang na aktibo ilang pagpenalty sa mga mosupak sa balaod. “Among gihimo mao ang mag-adto sa mga stall sa palengke para mag inspection kung sila ba adunay certification sa CENRO ug mga Garbage Bin para sudlan sa ilang mga basura, kung wala sila’y mapakita na requirements, warningan sila. Ug sa ikaduhang violation, tagaan na sila og penalty.”

Gihatag sad sa mga barangay ang tahas na mokolekta sa mga basura sa mga purok. Samtang ang CENRO giprayoridad ang pagkolekta sa basura sa mga establishimento sa gobyerno, palengke, mga pampublikong lugar, ug mga barangay na walay kakayanan na magsustena o mokolekta sa ilang mga basura lakip na ang mga barangay na adunay problema sa sakyanan sa magkolekta.

Ang Disposal Site na nahimotang sa Barangay New Malitbog libre na labayanan sa matag barangay pero kini adunay schedule sa paglabay: Lunes hantod Huwebes alang sa mga Non-Biodegradable nga basura ug Biyernes alang sa Biodegradable .

“Pinaagi sa Isumbong mo kay Mayor Joe (hotline) ug sa pagmensahe sa among Facebook page, gina adtoan sa among mga enforcer ang mga mo violate aron ma isyuhan og citation tickets ug (aron) madisiplina ang katawhan”

Alang sa dugang detalye, mamahimong mo bisita sa CENRO sa 2nd Floor, New City Hall, Panabo City o e follow ang Facebook page na “CENRO help SAVE the environment”.

| Mel Hilario CIO-PIRO
📸 CENRO