Disyembre 31,2021 – Kalipay na sugaton sa mga batch 1 TUPAD beneficiaries ang bag-ong tuig sa ilang pagdawat og sweldo isip bayad kanila sa pagtrabaho sa napulo (10) ka adlaw. Ang maong mga benepisyaryo gilangkuban og 92 ka mga LGBTQ members sa siyudad.

Ang Tulong Panghanapbuhay sa Ating Disadvantaged/Displaced Workers (TUPAD) usa ka programa sa Department of Labor and Employment (DOLE) nga nagahatag og oportunidad nga emerhensiyang pagpanarbaho sa mga tao sulod sa napulo ka adlaw.

Sumala ni Bobby Ocaya Gonzales, usa sa benepisyaryo na mapasalamaton siya kay apil siya sa nakadawat, “Nalipay ko kay naa nami kwarta pang-dagdag sa handa unya sa new year.” Nagmalaumon usab si Gonzales sa umaabot na TUPAD sunod tuig. “Dako akong pasalamat kay Mayor Jose Relampagos sa pag-apruba aning programa ug sa PESO staff ilabina akong mga kaubanan na TUPAD beneficiaries,” dugang pa niya.

Anaa sa kalihokan si PESO Manager Cherelle B. Espinosa, TUPAD Focal Lysander V. Gran, ug TUPAD Alternate Focal Sharlene Grace L. Duco.

l M. Lagura
Photos: PESO Panabo