Oktubre 27,2020- Gipahitabo sa City Agriculture’s Office ang pagdistribute sa mga high-value vegetables seeds sa Cluster 2 ug 4 sa mga commercial vegetable farmers sa Panabo City. Ang programa gipangunahan ni City Mayor Jose E. Relampagos pinaagi ni City Agriculturist Samuel N. Anay.

Gibutyag ni City Mayor Relampagos nga: “Kung unsay ihatag sa gobyerno atong atimanon. Kini importante para masustain nato ang pang adlaw-adlaw nga panginahanglan.

Ang Cluster 2 President nga si Raul V. Guillen nga taga Barangay San Nicolas mibutyag sa iyang pasalamat. “Mapasalamaton ako sa atong halandong Mayor ug sa atong City Agriculture Office sa giya nga gihatag na hilabing makatabang kanato sa production sa mga gulay sa public market ug gina encourage nako ang mga katawhan nga dili nato e discourage ang atong mga mag-uuma kay unsa nalang atong kaonon kung sila dili magtanom,” ingon ni Guillen.

Tumong sa pagpanghatag sa mga liso sa gulay nga mahimong food sufficient ang siyudad sa Panabo ug makatabang sa income sa mga mag-uuma isip “parte sila sa kalambuan ug katahom sa atong siyudad,” sumala pa ni Mayor Relampagos.
Ipahigayon usab sa Oktubre 29,2020 ang pagpadangat og libreng high value vagetables sa Cluster 1 ug 3.

|Mel Hilario -CIO/PIRO
📸 E. Pan