Disyembre 16, 2022 – Nahuman na ang usa ka adlaw na orientation-seminar na Parents Education on Gender and Development (PEGAD) sa Lokal nga Panggamhanan pinaagi sa City Health Office- Population Management Section sa pakig-alayon sa City Human Resource Management Office (CHRMO) sa Panabo Gym alang sa mga empleyado sa City Hall.
Gitunga sa duha (2) ka batch ang grupo aron han-ay ang dagan sa kalihokan. Sa maong seminar, gituki ang mga kalabotan sa mga ginikanan bahin sa effective parenting sa mga anak. Apil sa gihisgotan, ang mga ginikanan ang adunay dakong ambag ilabina sa pag-edukar sa sekswalidad ug pagmonitor sa mga anak. Base sa presentasyon, nibaba ang rate sa Teenage Pregnancy sa siyudad sugod kaniadtong tuig 2021 ug ang Davao Region ang adunay taas nga kaso sa maong pakigbisog.
Gihisgotan usab ang mga negatibong isyu sa usa ka pamilya diin daghan kini og factor na makahatag og kabag-ohan sa pag-amuma sa pagdako sa bata apil niini ang pagsusi sa mga buhat sa magtiayon aron adunay lig-on nga relasyon sa matag-usa.
Gipangunahan ang kalihokan sa mga mamumulong na sila Population Program Officer III Lorelei R. Oriol, Youth Development Officer III Michael M. Tagwalan, city department heads, ug mga empleyado sa city hall.
