Pebrero 19, 2024 — Gi turn-over na sa LGU Panabo ang 1.5 hectares ngadto sa mga miyembro sa Purok Mandarin Homeowners Association, Incorporated (PMHAI) nga nahimutang sa Barangay Datu Abdul diin gitambongan mismo ni City Mayor Jose E. Relampagos ang maong signing sa pagturn-over sa luna.
Sulod sa baynte (20) ka tuig, nabalhin na ngadto sa asosasyon ang maong luna. Adunay 101 household members nga nagpuyo niini, wala sila’y bayran kundi ang pag proseso nalamang aron sa pag sipak sa titulo. Dako ang pagpasalamat sa mga miyembro ngadto sa LGU Panabo ilabi na ang pagduso niini sa ilang Presidente nga si Bae Merlinda B. Aranar ug sa tabang sa LGU Panabo pinaagi sa City Mayor’s Office – Housing Section nga gipangunahan ni Planning Officer III/City Housing Section OIC Cielito N. Miano, EnP.
Gipabilin ni Mayor Relampagos, nga magpuyo silang malinawon ug hapsay apil na ang kalipay nga aduna na gayud sila’y sariling mga luna nga mapatukoran o makapadevelop sa ilang mga panimalay.
Sa maong kalihokan, anaa si City Vice Mayor Gregorio U. Dujali III, City Councilor nga sila Hon. Omar Ranain, Hon. Ronald L. Ang, PCUP Coordinator Joseph Isaiah Trinidad, Barangay Captain Hon. Warlito Saranguilla, ug mga miyembro sa PMHAI.
Service to Panaboans, Service to God!
|IDOB
Photos| A. Castilla
Categorized in Featured