Gidawat na sa Purok Ramihan Small-Scale Farmers Association (PRSSFA) ang gihatag nga Farm Tractor Machinery isip grant gikan sa Lokal nga Panggamhanan pinaagi ni City Mayor Jose E. Relampagos kauban si City Agriculturist Samuel N. Anay ngadto sa Purok Ramihan, Datu Abdul Dadia, Panabo City adtong April 6,2022.

Dako kining tabang alang sa mga mag-uuma sa maong association alang sa paspas nga pamaagi o gamiton sa pagbitad sa lain-laing mga gamit sa uma para sa pagdaro, pagtanom, pagtikad, pag-abono, ug pag-ani sa mga tanom, ug mahimo usab nga gamiton sa paghakot sa mga materyales.

Sa gipahitabong seremonya sa pagturn-over niini, anaa sila Crops Section Head Reynaldo Agorde, ABE Interim Section Head Tom Pelayo ug Engr. Rhea Geraldo.

|I.Balogbog, CIO-PIRO
Graphics| Francis Paculanang, CIO-MULTIMEDIA