Nobyembre 9, 2022 — Gatusan ka mga bata kauban ang ilang mga ginikangan gikan sa nagkadaiyang day care centers sa siyudad sa Panabo ang mitambong sa gipahigayong 30th National Children’s Month Celebration (NCMC) 2022, sa temang: “Kalusugan, Kaisipan, at Kapakanan ng Bawat Bata Ating Tutukan” nga gipahitabo sa Freedom Gym, Panabo Parks and Plaza, Barangay New Pandan, Panabo City.

Subay sa Republic Act No. 10661 nga isaulog sa matag bulan sa Nobyembre ang NCMC nga gideklara ni kanhing President Benigno Aquino III nga gihimong basihan ug gi-adopt sa nasud ang gikan sa Convention on the Rights of the Child by the United Nations adtong November 20, 1989.

Ang maong selebrasyon, nagtinguha nga matabangan ang katawhan nga makaamgo sa mga katungod sa mga bata isip indibidwal aron makabaton og access sa pag-atiman sa panglawas, edukasyon, ug himsog nga palibot.

Sa siyudad sa Panabo, ipahigayon kini sugod Nobyember 9, 14 hantod 16 ning tuiga diin adunay mga aktibidades nga gi-andam ang Lokal nga Panggamhanan pinaagi sa City Social Welfare and Development Office sama sa Singing, Poster Making, ug Modeling Clay Contest.

Sa maong kalihokan, anaa sila City Vice Mayor, Gregorio “Banjong” Dujali III, city councilors nga sila Ian Rolet A. Catalan nga Committee-Chairman on Social Services, ug Atty Jamail Macla. Anaa usab City Assistant Administrator isip representante ni City Mayor Jose E. Relampagos ug si CID Chief-DepEd Panabo City Janwario Yamota nga representante ni Dr. Reynante A. Solitario.

|IDOB
📸 Rommel Cayas, CIO-Multimedia