Ang 40 ka solo parent presidents sa matag barangay naka benepisyo sa libreng livelihood training kabahin sa pagbuhat og Dishwashing soap ug Fab conditioning adtong Setyembre 15,2020 ug Setyembre 16,2020. Ang maong programa gi mugna sa City Social Welfare and Development Office (CSWDO) pinaagi sa pakig-alayon sa Public Employment Service Office (PESO).

Tumong niini nga mahatagan og panginabuhian ang mga solo parents biskan sila anaa sa ilang tagsa-tagsa ka panimalay. Pinaagi sad sa mga presidente, mahimo nilang ma tudloan ang ubang solo parents sa ilang mga barangay na walay mga trabaho.

Usa sa naka benepisyo sa livelihood training mao ang Vice President sa Federation of Solo Parent sa Barangay Cagangohan na si Norma S. De Catalina, “Dako kaayo kini og importansiya kay mashare kini namo sa uban pang solo parent sa among barangay. Mamahimo sab kining pagkuhaan og extra income sa among matagpamilya.”

Matod pa ni Solo Parent Section head Nasuha T Bautista, “Among gitunga ang 40 ka mga trainee sa duha ka training aron ma maintain ang minimum health standards.”

Laoman usab nga magpahigayon pa og ubang training susama sa dress making.

Alang sa dugang pangutana, mamahimong mobisita sa CSWDO nga nahimotang sa New City Hall OF Panabo, Ground floor, Barangay JP Laurel.

|Mel Hilario, CIO-PIRO
Photo: M. Gentiles