Sa ikatulong hugna sa Serbisyong Barangay alang sa mga lagyong dapit, nasinati na usab sa Barangay Kauswagan ang libreng serbisyo nga hatod sa opisina ni City Mayor Jose E. Relampagos. Adunay dul-an 200 ka mga indibidwal ang mga nakatagamtam sa maong serbisyo adtong Pebrero 4,2022.

Sama sa ubang barangay, gipaabot usab sa mga katawhan sa Barangay Kauswagan ang ilang pagpasalamat sa Lokal nga Panggamhanan sa serbisyong napahigayon sa ilang barangay. Ang padayong paghatod sa mga libreng serbisyo sama sa bitamina, medisina, pagpacheck-up, ug pagpabakuna apil na niini ang libreng eye check-up ug glasses nga hatod sa Delfin Optical.

Ang Serbisyong Barangay, usa ka programang maghatag og libreng serbisyo ngadto sa 40 ka mga barangay sa siyudad sa Panabo. Prayoridad kini sa administrasyon ni Mayor Relampagos aron mahatod kanila ang angay na tabang ilabi na nga nag atubang ang kadagahanan sa pagsulpot sa pandemya nga COVI-19.

Sa Pebrero 7, anaa ang Serbisyong Barangay sa Barangay Waterfall.

|I. Balogbog, CIO-PIRO
📸 CMO Staff