Lima na ka proyekto sa City Government nga kabahin sa rehabilitasyon ug pagsemento sa kadalanan ang nahuman na sumala sa July 31,2020 report sa City Engineer’s Office nga gipangunahan ni City Engineer Bernardo Rabanos, Jr. ug sa liderato ni City Mayor Jose E.Relampagos.
Lakip niini ang pag-aspalto sa mga main entrance roads sa mga subdivision nga gisugdan niadtong Hunyo 11, 2020 ug nahuman niadtong Hunyo 26,2020 nga adunay pundo nga P10 Million. Nahuman sad ang pagsemento sa Japanese Road Phase 2 sa Barangay San Vicente nga nasugdan niadtong Marso 22,2020 ug nahuman niadtong Hunyo 10,2020 nga adunay pundo nga P3 Million.
Naayo sad ang dalan sa Junction (Crossing) PEDA padulong sa KANARI Subdivision niadtong Marso 10,2020 ug nahuman niadtong Hunyo 19,2020 nga gipundohan og P5 Million.
Nasementohan sad ang Farm to Market Road Barangay Kauswagan hantod Barangay Cacao ug Phase 2, Kauswagan. Gisugdan kini niadtong Mayo 27,2020 ug nahuman niadtong Hulyo 20,2020 nga gipundohan og P5 Million.
Ang Farm to Market Road Phase 3 sa gikan barangay Maduao, Tagpore, Buenavista, padulong Mabunao napasementohan na adtong Pebrero 26,2020 hantod Hunyo 18,2020 nga adunay pundo nga P10 Million.
Sa kasamtangan, aduna pay kapin 20 ka mga proyekto ang padayon nga gipa implementa ug laoman nga mahuman karong tuiga.
| Mel Hilario, CIO-PIRO
