Hunyo 6, 2022 – Human sa duha ka tuig nga paghulat sa mga estudyante ug magtutudlo, nagsugod na ang limitadong F2F class sa Mabunao Elementary School.

Sa unang adlaw sa pagbalik sa F2F nga klase, gisugat sa mga magtutudlo nga excited ang mga estudyante. Bag-o misulod ang 30 ka mga estudyante gikan sa Kinder hangtod Grade 3, nagpahigayon og gamay nga programa para ma welcome ang pagbalik nila sa eskwelahan.

Ani pa ni Mabunao ES School Head Florence N. Horteza, nga dugay na sila naghandom nga mabalik na ang F2F class. Nagpasalamat usab siya sa kakugi sa mga magtutudlo ug mga ginikanan sa estudyante sa maong tulonghan kay dako ilang tabang sa pagbalik sa klase. “Bisan paman mibalik na kita dinhia sa eskwelahan alang sa pagtuon, kinahanglan gihapon nga magsunod kita sa safety protocols aron luwas kita sa sakit nga dala sa COVID-19.”

Gipaningkamotan ni School Head Horteza kauban ang mga magtutudlo sa Mabunao ES nga mobalik na sunod ang Grade 4 hangtod 6.

Mibisita usab sila Public Schools District Supervisor Avelino Bitand ug Reynaldo Deocampo Jr. aron makigduyog sa unang adlaw sa pagbalik F2F class sa tulonghaan.

🖋Tim Acebedo, CIO – Research Unit
📸 Rommel Cayas & Quinn Villahermosa, CIO – Multimedia