Gisugdan na ang limited F2F class sa Southern Davao National High School (SDNHS) diin pili lamang nga mga Senior High School (SHS) students sa TVL-HE ug TVL-ICT ang miapil sa opening program. Adunay 38 ka mga estudyante sa Grade 11-Maxwell (ICT) ug 17 ka estudyante gikan sa Grade 11-Einstein (HE) ang miapil sa gipahigayon nga flag ceremony sayo sa buntag ug nakadawat sila og Health Kit nga donasyon gikan sa eskwelahan adtong April 4, 2022.

Gipaila-ila usab ang mga magtutudlo sa SHS nga gipanguluhan ni SHS Coordinator nga si Sarah Jane R. Omblero. Ang Project W.A.T.C.H., sa panguna ni Coordinator Krismie H. Bastian, On-the-Job Training nga mga estudyante gikan sa Davao Del Norte State College, ug mismong magtutudlo sa eskwelahan nga nagpakita og suporta sa adbokasiya sa punctuality ug pagkamatinud-anon.

Lakip sa pagpangandam sa tulunghaan ang kaanyag pinaagi sa pagpintura sa mga kural nga maoy musugat sa tanang nga musulod. Nagbutang usab og bag-ong mga plant box atbang sa mga classroom ug opisina. Nadugang pud sa kaanyag ang mga banderitas nga gipangbitay ug ang mga gipambarog nga flag lets daplin sa dalan.

Sugyot ni Dr. Solitario nga, “Target ko this month of April, 100% of our schools will be opened for limited F2F.” Gisusi usab ni Dr. Solitario ang mga tulunghaan, iyang gitan-aw ang mga pagpangandam nga gihimo sa mga magtutudlo sa pag-abli sa tulonghaan alang sa mga Junior High School nga estudyante.

Ingon pa ni SDNHS Principal Manuel M. Esperanza, “We miss for about two years of seeing each other, having our classroom instruction within the four corners of our rooms and within the parameters of our school institution. We miss so much about this. Today really marks the beginning of our new inspiration wherein we learn more than before.” Dugang niya nga human ang isa ka tuig nga modyular ug blended learning modality nga gihimo alang sa pagpadayon sa pag-edukar sa mga estudyante kini nagmalampuson bisan paman sa pag-atubang sa hagit sa pandemya

Sa maong kalihokan ana usab sila Barangay Kapitan sa Barangay. Southern Davao, Hon. Jose S. Resurreccion, Barangay. Kagawad, Hon. Joseph Moyan ug Hon. Hermogina Damiar, ug GPTA President Mr. Darwin G. Lasquite.

Natapos ang maong programa diha sa mga pagpasalamat sa tanang mitambong, miduyog, ug misuporta sa SDNHS ug mga kalihokan niini nga walay laing tumong kung dili mao ang kaayuhan sa mga estudyante.
📸 SDNHS