Marso 28, 2022 – Sa pagsugod sa limited face-to-face classes sa Tagpore Integrated School, lipay nga misugat ang mga magtutdlo sa pagbalik sa ilahang mga estudyante.

Wala nagpaulahi ang Tagpore Integrated School sa unom (6) ka eskwelahan nga kasabay nila nga mi-abli alang sa pagtudlo og balik sa mga estudyante ug nahimamat nagyod nila usab sa personal. Duganh niini, dili ikalimod ang ka-exciteted sa mga kabataan nga mitambong sa unang adlaw sa face-to-face classes nila kay naa na sila’y classmates nga kauban magtuon.

Sa unang adlaw sa F2F classes, 52 ang kinatibuk-ang ihap sa mga estudyante nga naggikan sa Kinder 1 hangtod Grade III. Plano usab sa Tagpore Integrated School nga sa umaabot nga mga semana, magsugod nasad ang Grade 4 hangtod Grade 8. Ani pa ni, Head Teacher II/School Head Helen May T. Delada, nga nalipay sya kay sa kadugay nga panahon natugotan nagyod ilang eskwelahan nga makapahigayon og F2F classes. “Supportive kaayo ang mga opisyales sa Barangay Tagpore, kanunay naay update kabahin sa COVID-19. Para masiguro ang kaluwasan sa mga bata, adunay gipahitabong mga orientations dili lang sa mga bata kundi sa mga ginikanan ug andam always ang contindency plan namo dinhia.”

Gisiguro usab sa Tagpore Integrated School, nga kanunay nga luwas ang mga magtutudlo, ginikanan, hilabi na ang mga estudyante. Istrikto sad nga ginapatuman ang mga health protocols nga mandato gikan sa IATF ug sa lokal nga panggamhanan.

✍️ Tim Acebedo, CIO-PIRO
📸 M. Gentiles