Agosto 28, 2022 — Gipahigayon ang Training Seminar on Basic Self Defense Skills atol sa pagselebrar sa Linggo ng Kabataan 2022 sa ARF Gym, Barangay New Pandan, Panabo City.
Pagdepensa sa sarili ang mas kinahanglon sa mga kabatan-onan sa karon nga mga panahon apan dili lamang kini alang sa mga kabatan-onan kundi sa tanang katawhan nga makakat-on sa mga basic defense panahon sa adunay dautang mga panghitabo. Mao kini ang usa sa nahimong basihan sa City Mayor’s Office pinaagi sa City Youth Development Office na mahatagan ang mga kabatan-onan og dugang kaalam sa pagdepensa sa ilang sarili.
Kauban ang PNP-Panabo sa pagpapahigayon niini diin nanguna si PSMS Charles Balinggao alang sa paghatag sa maong basic self defense skills.
