Nakagraduate na ang 30 ka mga residente sa Barangay Cacao adtong Nobyembre 3,2020 nga mga benepsiyaryo sa programa sa Revitalized Police sa Barangay (RPSB). Sila naapil sa programa tungod nakita nga sila walay trabaho o income.

Libre lang ang training sama sa Rag Making ug Hair Cutting nga gilangkuban og mga partisipanteng mga kababaihan og kalalakihan. Gisuportahan kini sa City Government pinaagi sa PESO, kauban ang DTI ug TESDA.

Nagpahinumdom si PESO Manager nga mamahimong gamiton nga kalingawan ang trainung samtang anaa sa mga nag tagsa-tagsang mga panimalay. “Kung naa lang mo sa inyong panimalay, pwede kaayo ni ninyo kalingawan labaw na karon nga ‘stay at home’ rata kay adunay Pandemiya. At the end of the day, maka income kamo,”dungag ni Espinosa.

Ang mga naggraduate nakadawat sab og starter kits aron masugdan ang ilang panginabuhian gamit ilang na kat-onan sa training.

Ang RPSB sa Cacao gipangunahan ni PLT Harold O. Mejonda.

| Gen Alforque – CIO/PIRO
|📸 – MCG