Sa interview ni Assistant City Health Officer Dr. Eranie Pangilinan sa Ang Panabo Karon Program sa Radio 911, gihisgotan niya ang pamaagi sa pag-uli sa mga Localy Stranded Individuals ug Overseas Filipino Workers.

Iyang gipahimangnoan nga makig-alayon sa Province of Davao del Norte pinaagi sa ilang hotline nga 09514495189 ug 09488829195 aron masundo sa Davao International Airport ug mga terminal aron madala sa mga LGU sa Probinsya sa Davao Del Norte.

Gawas niini, mamahimong mo kontak sad sa hotline sa City Health Office pinaagi sa pagtext sa 09064400650 ug 09516534364.

Ang masundo nga LSI ug OFW pagadalahon sa Out-Patient Department sa Panabo aron ma interview og edretso sa Isolation Facility para ma-quarantine og Katorse (14) ka adlaw.

Mamahimong magpadala og mensahe sa Panabo City Health Office Facebook Page o sa One Davnor Network Facebook Page.