Hunyo 9, 2022 – Miduyog ug midonar ang 130 ka panaboans sa gipahitabong Mass Blood Donation nga usa ka aktibidad sa Lokal nga Panggamhanan pinaagi sa Panabo City Health Office (CHO) sa pakig-alayon sa Davao Regional Medical Center sa ARF, Freedom Gym, Barangay New Pandan, Panabo City gikan alas 7 sa buntag hantod alas 11 sa buntag.

Sumala pa ni Coordinator Dr. Jonna May Langga gikan sa CHO gihimo kini nga programa alang sa dugang pundo sa dugo na magamit puhon para makasalba og kinabuhi. “Para masuta ang kahimtang sa isa ka qualified donor ug ma recall ang mga regular donors,” dugang pa ni Dr. Langga.

Kadaghanan sa mga midonar nagtinguha nga makatabang sa mga nanginahanglan ug para usab sa ilang pundo kung adunay kailanganon ilang pamilya.
Matod pa ni Dr. Langga nga ang mga donors kay makabenepisyo pinaagi sa blood transition aron masusi ang ilang dugo kung aduna kini’y HIV, Syphilis, Hepa B, Hepa, C ug Malaria aron mailisdan ang ilang dugo.

Laoman nga ang maong bloodletting kay magpadayon kada Martes ug Miyerkules kada semana. Naga recruit usab sila og mga bag-ong mga blood donors ilabi na sa mga batan-on kay sila ang target na maoy mupuli sa mga retired donors.

✍Lindsay Cañete, CIO-SPES
📸 Quinn Villahermosa, CIO-Multimedia